[1563]
DE LA VILLE DE PARIS.
269
nostre ville françoise du Havre de Grace repasser la mer et habandonner la place, nous donnant en cella une très grande et mémorable victoire, nous avons bien voullu vous en advertir' incontinant, sachant combien ceste nouvelle vous sera agreable ; et si escripvons à l'evesque de Paris ou ses vicaires en faire faire procession generalle(1) et rendre graces à Nostre Seigneur, où nous voullons et vous mandons que vous vous trouvez et assistez; ainsy qu'il est acous­tumé faire en semblable occasion, pour de vostre part l'en remercier, comme de plus grand bien et fa­veur que nous et nostre roiaulme eussions peu rece­voir de sa saincte grace et bonté.
"Donné au camp près le Havre, le trenteiesmejour de Juillet 156312).»
Signé : CHARLES.
Et àù dessoubz : de L'Aubespine.
Et au doz est escript : A noz trés chers et bien amez les Prevost des Marchans et Eschevins de la ville de Paris.
Receues le dimanche premier jour d'Aoust 1563, huict heures du soir.
Le landemain, lundi n° jour d'Aoust, Mess" feurent à Nostre Dame de Paris avec quelques ser­gens et feirent chanter Te Deum laudamus, pour rendre graces à Dieu de la prinse dud. Havre de Grace (3).
"Mathurin de Beausse, Quartenier de lad. Ville, appellez Estienne Du Vassel, Dixinier, ensemble tous les bourgeois de lad. Dixaine, et avecq eulx proceddez à l'eslection d'un capitaine d'icelle Dixaine, de per­sonne suffisant et capable, au lieu de feu Pierre Fournier, lequel capitaine qui sera ainsy esleu nous présenterez au Bureau de lad. Ville, pour de luy prandre et recepvoir le serment en tel cas acoustumé. Sy n'yfaictes faulte. »
"Jacques Kerver, Quartenier de ceste Ville, nous vous mandons que faciez sçavoir à tous les capitaines de vostre quartier, et en leur absence à leur lieute­nant ou enseigne, et faictes en sorte qu'il y en ayt ung seullement de chacune Dixaine, qu'ilz ayent à eulx trouver demain, trois heures de rélevée, en l'Hostel de ceste Ville, affin de leur faire entendre ce qu'il nous a esté mandé par le Roy et la Royne."
"Monsieur le presidant, plaise vous trouver de­main, à une j actendant deux heures de relevée, en l'Hostel de ceste Ville, affin de adviser à satisfaire au Roy de ce qu'il nous est commandé pour la garde des portes de ceste Ville et guet de nuict, et vous prions n'y voulloir faillir. Faict", etc.
Pareilz mandemens à messieurs les Conseilllers de lad. Ville, delivrez a Vasse, sergent.
Veu les trois articles du compte rendu par m". Henry Symon du guet à nous envoyé pour estre communicqué sur la surceance faicte oud. compte; le premier article, contenant le sallaire et journée des sergens et archers qui ont vacqué à la recepte des deniers; le deuxiesme article, pour la nouriture des quatre serviteurs qu'il dict avoir euz en son service durant l'année dud. compte ; nous sommes d'avys, que quant aud. premier et deuxiesme article dud. compte, qu'ilz doibvent estre rayez, parce que en la taxe des sallaires dud. comptable y soient comprins le contenu esd. deux arlicles. Et quant au troisiesme article, contenant aultres deniers baillez à aulcuns archers dud. guet sur ce qu'il leur est deu dè Leurs arreraiges l'année v° lx, sommes d'avys qu'il doibt estre alloué aud. comptable, pourveu qu'il soit trouvé qu'ilz n'ayent esté paiez auparavant de leursd.gaiges, et que led. comptable fournisist de quictance ou obli­gation qu'i pourroyt avoir de eulx, et que aussy bien il eust tousjours convenu paier lesd, archers, soit d'un costé ou d'autre. Faict au Bureau ced. jour.
-1' Cette procession générale eut lieu le lundi matin à 8 heures; elle sortit de Notre-Dame, passa parla rue de la Calende et lit une station dans la cour du Palais, devant la vraie Croix et autres reliques de la Sainte-Chapelle exposées à la vénération des fidèles, puis continua sa marche par la rue Sainte-Croix et le cloître Notre-Dame et rentra dans l'église cathédrale, où une messe solennelle fut célébrée par l'évêque de Châlons, qui avait conduit la procession. Pendant que l'on chantait l'épître, les Prévot des Marchands et Echevins arrivèrent et se placèrent dans le chœur, sous le jubé, à gauche, immédiatement après l'évêque de Noyon, le Parlement occupant les sièges de droite. Le greffier de la Cour, qui rend compte de la cérémonie, termine son récit par cette sortie virulente contre les huguenots : «La posterité sçaura que durans Ies troubles et tumulte.s derniers, led. Havre de Grace avoit par aucuns subjectz du Roy, rebelles et heretiques, esté livré à la Royne d'Angleterre, par argent et pour estre supportez et secourus d'elle, telle rage et fureur a produit le faulx évangile.!. {Archives nationales, Parlement de Paris, X1" 1606, fol. 44 v".)
'2) Des lettres de teneur identique et de même date furent adressées par Charles IX au Parlement de Paris; elles sont insérées au registre du Conseil (X1* 1606, fol. 44 v°).
P) Ce paragraphe ne se trouve que dans le registre II 1784.